Income Tax-ah tibuai lui zel lo turin hrilh

Mizoram Merchant Association (MIMA) chuan Mizorama cheng tribal-te chu Income Tax chawi lo tur an nih thu sawiin, tibuai lui zel lo turin Income Tax hotute chu an hrilh. MIMA hruaitute hi niminpiah tlai khan Aizawl Bawngkawn-a Income Tax Office-ah lengin Mizo sumdawngte leh mipui tam takin Income Tax Office hmun hrang hrang atanga lehkha dawng a, insawifiah tur leh chawi tura thinna an hmu fo thin thu sawiin, Mizoram-a cheng Tribal-te Income Tax chawi lo tur an nih thu an sawi a. Income Tax hotute nen an inkawmna ah hian Income Tax chungchanga sumdawngte zirtir tura Seminar neih thuai a tul thu te sawiin, Income Tax Office khawi hmun atanga pawha lehkha hmu, tih ngaihna hre lo an awm a nih chuan Income Tax Office, Bawngkawn-ah kalpui a, zawtfiah thin turin thurawn an in pe bawk a ni.