Hlawh pe thuai turin ngen

Zonuna Kawlni /

PC Party chuan Samagra hnuaia thawk Zirtirtu te'n thla 2 chuang hlawh an lak theih tawh loh avangin manganna leh harsatna in a tlakbuak mek chhungkua engemaw zat an awm niin an sawi a. Hetiang harsatna sutkian sak thei lo thuneitute Vawiin thlenga Zoram in kan la hrawn chu van-duaithlak an tih thu sawiin, Chhuanlam dang siam tawh lova a rang thei ang bera Samagra hnuaia thawk Zirtirtute hlawh pe thuai tawh turin Mizoram sawrkar chu an ngen tih an sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »