Casual Teacher lak thar ah hna zawm lo an tam

Mizoram sawrkar School Education Department in Primary, Middle leh High School-a Zirtirtu, Casual Teacher a lak tharte zingah hna zawm lo (declined) an tam hle.
Kumin June thla khan School Education Department chuan Primary School Zirtirtu atan 648, Middle School-Zirtirtu ah mi 371 leh High School Zirtirtu ah mi 350, an vaiin Casual Teacher atan mi 1369 a la thar a. Casual Teacher lak thar zingah hna zawm lo (declined) mi 350 awmin heng te hi Primary School-ah 67, Middle School-ah 137 leh High School-ah 146 te an ni.

Zirtirtu lak thar, hna zawm duhlo te hi H/S leh M/S-ah chuan Panel List atanga hnawhkhah leh tura buaipui mek a ni a. P/S-ah chuan Panel List a awm loh avangin la ngaihtuah leh tur a ni ang.