Vawk 700 chuang thi tawh
Serchhip-a District AH&Vety Officer Dr. H. Vanlalrawna hnen atanga thu kan dawn danin nimin thleng khan Serchhip District-ah hian ASF vanga Vawk thi 707 awm tawhin hri leng darh zel tur venna atan vawk 2309 suat a ni tawh a, chhungkaw 632 ten hri leng hi an tuar tawh a ni. ASF hri leng avanga tuartu tam berna khua chu North Vanlaiphai niin chhungkaw 137 zetin an tuar a, Vawk 167 thiin 227 suat a ni tawh bawk a, Chhingchhip khua ah chhungkaw 121 in ASF hri hi tuarin Vawk 35 a thi tawh a, Vawk 1227 suat a ni tawh bawk.
ASF vanga Vawk thi tam berna khua chu Thenzawl niin Vawk 187 a thi tawh a, Vawk 227 suat ni tawhin Thenzawl-ah hian chhungkaw 73 in ASF hri hi an tuar a. Chhuanthar Tlang-nuam-ah Vawk 99 thiin Vawk 254 suat a ni tawh bawk a, chhungkaw 66 in an tuar a. Khumtung khua ah chhungkaw 37 ten tuarin Vawk 80 a thi tawh a, Vawk 224 suat a ni tawh bawk a, Ser-chhip-ah Vawk 53 thiin 28 suat a ni a, Baktawng-ah Vawk 65 thiin 120 suat a ni bawk a, heng te hi hri tuar nasa zual khua te an ni.
Comments
Post a Comment