Ration Card paihsak chungchang sawihona nei

Zonuna Kawlni /

Supply Minister B. Lalchhanzova hovin nimin khan a Office-ah Zomuantlang khuaa chengte Ration Card paihsak chungchang sawihona neih a ni.

He sawihona hunah hian MZP hruaitu leh Mizo Convention (Youth Wing) Tripura aiawhte bakah ZPM Party General Hqrs. hruaitu thenkhat te an tel a, Zomuangtlang khuaa Ration Card neitute hi kum 2022 atanga khan endikna neih tawh a ni a, mitthi leh document fel lo te pawh paih an ni nual tawh a, tunhnaia Zomuantlang-a chhungkaw 80 dawn paih anga mi thenkhatin an sawi chu a dik loh thu leh Ration card hi Computerized a nih tak avangin Ration Card hi a neih double theih lova, tuna Ration Card paihsak tak chhungkaw 13 te hi Tripura lama card nei an ni a, Mizoram nen card a neih double theih tawh loh avangin paih an nih tak thu tarlan a ni bawk.

Hemi chungchangah hian Supply Minister hovin ZPM party hruaitute leh MZP hruaitute chuan Zomuantlang khua hi a hmuna endik tura kal leh an tum a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »