African Swine Fever (ASF) avanga Vawk thi ala awm belh zel a, Inrinni khan Mizoram-ah ASF vanga Vawk thi 12 awmin Vawk 10 suat a ni a, nimin khan Vawk thi pathum awm lehin vawk 11 suat a ni leh bawk. Heng te nen hian Mizoram-ah kumin hian ASF vangin Vawk 1039 a thi tawh a, Vawk 1644 suat ni tawh bawkin Mizoram-a District 11 zinga District 6-ah ASF hri hi hmuh a ni tawh a, ASF lenna te hi Aizawl, Champhai, Lunglei, Saitual, Khaw-zawl leh Serchhip District te niin Mamit, Kolasib, Hnahthial, Lawngtlai leh Siaha District-ah chuan ASF vanga Vawk thi report hi ala awm lo a ni.
Hetihlai hian tunhnaia Serchhip District chhung Keitum khuaa Vawk thi Sample lak te chu Vawiin hian enfiah tura thawn an tum tih Serchhip DVO Dr. H. Vanlalrawna chuan LENKAWL a hrilh a, Keitum-ah hian Vawk damlo a awm nual nia thudawn a ni bawk.
Comments
Post a Comment