Police te Vote thlak thei lo MNF Party in pawi an ti

MNF Sr. Vice President Dr. R. Lalthangliana'n Lok Sabha MP thlanna April ni 19-a neih takah Mizoram Armed Police 1047 zet te vote thlak thei lova siam an ni chu an Party chuan pawi an tih thu leh Mizoram sawrkar inthlahdah vang a nih thu a sawi.

Inrinni-a Aizawl Press Club-a thuthar thehdarhtute a kawmnaah Dr. R. Lalthangliana chuan Mizoram Armed Police atanga Election Duty tura tirhchhuahte hi Company 15, sipai 1047 an nih thu leh State pathum - Bihar, Uttar Pradesh leh Madhya Pradesh-ah te duty tura tirh an ni tih a sawi a, Mizoram sawrkar chuan heng Police Officer rualte Election Duty tura a tirh liam hma hian Postal Ballot hmanga vote an thlak theih dan tur ruahmanna siam theih a ni ngei dawn tih chiang reng chung si a, vote thlak thei lo tura ruahmanna a siam kher kher chu Police te dikna chanvo rahbeh sakna langsar tak, Mizoram Election History-a thil la thleng ngai lo a ni tih a sawi a, “Thleng nawn tawh lo se kan duh em em a ni,” a ti bawk.

Dr. R. Lalthangliana chuan Ministry of Home Affairs, Govt. of India atanga ngenna Mizoram sawrkarin a dawn bawhzuiin, Mizoram sawrkar thuneitute chuan vote an thlak dan tur pawh engmah ngaihtuah fel sak hmasa lovin heng kan sipai chhuanawm tak takte hi State pathum-a Election Duty turin an pawngpaw tirh liam tawp nia sawiin, Bihar leh Uttar Pradesh-a Duty turte hi April 1, 2024 leh Madhya Pradesh-a Duty turte hi April 8, 2024-ah in report turin rawtna a siam a, Bihar a Duty turte tan March 29, 2024; Uttar Pradesh-a duty turte tan March 28, 2024 leh Madhya Pradesh-a duty turte tan April 3, 2024-ah Rel Ticket lak sak an ni tih a sawi a. Mizoram MP thlannaah March ni 30, 2024 kha Candidate te tana inhnuhdawh theih ni hnuhnung ber a nih chauh avangin Postal Ballot tak ngial pawh chhut fel anih hmain, sipaite hi State pawna Duty tura tirhchhuah nghal rum rum an ni tihna a nih thu a sawi a, Mizoram sawrkarin ruahmanna felfai nei nise inthlanpui vote thlak thawh thumna leh a hnu lama duty tur pawhin ruahmanna siam theih a ni dawn tih a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar