Kan Education siamthat a ngai - PC. Laltlansanga

Mizoram Pradesh Congress Committee (MPCC) General Secretary PC. Laltlansanga chuan chhawr tlak leh hnathawk tak tak thei tur thiamna pe tura Eduication kan siamthat a ngai tih sawi.

Congress Party in nimin-a Aizawl Congress Bhavan Golden Hall-ah Political Session an neih ah MPCC General Secretary PC. Laltlansanga chuan Education reforms chungchang sawiin, “Tunhnaiah Matric leh pawl 12 result a chhuak a, Mizoram pumpuiah kan result a tha thawkhat. Hetih hian kan Education hian thiamna tak tak min pe em tih kan ngaihtuah a ngai,” a ti a. “M.A, M.Sc kan tihte leh mithiam tam tak nia kan ngaihte hian an degree phu tawk hna thawh tur an hmu lo. Mizo thalaite an huaisen em em a, passport mumal lo chung pawhin Islam kulmuk takte ramah hnathawk turin an kal ngam. Mizoram-a political party tinte hian kan thalaiten hnathawh tur an hmuh theihna tura policy kan duan a hun tawh a. Education pawh siam tha a, chhawr tlak leh hnathawk tak tak thei tur thiamna pe tura Eduication hi kan siamthat a ngai a ni,” a ti.

MPCC General Secretary chuan Mizo thalai eizawnna mumal neilo harsatna tawk thahnem tak an awm mek tih sawiin, “Chung mite hip nan chuan ZPM hotute khan, ‘ZPM a sawrkar chuan Zoram Development Bank a din ang a, Loan a pung awm lovin thalaite bultanna tur an pe anga. Sawrkar hi guarantor ah a tang ang,’ tiin an inzuar a nih kha. Khang an intiamna avang khan ZPM sawrkar hi thalaiten beiseina sang tak nen kan thlir a. An intiam angin engtikah nge Zoram Development Bank an din ang a, a pung awmlo a loan an pek hun tur Mizo thalaiten kan zawt a ni,” a ti a. “ZPM sawrkarah chuan a rate hre sain kut hnathawktu ten thlai an ching tawh ang an ti thin a. Nakum kum 2025 ah hian Sawhthing leh Hmunphiah kg khat cheng engzatin nge kut hnathawkten an hralh dawn, tih hi sorkar kan zawt a ni,” a ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar