Govt. HSS Serchhip in Zirlai tithate lawmpuina an hlan

Govt. Higher Secondary School Serchhip chuan kumin-a Higher Secondary School Leaving Certificate (HSSLC) Exam-a an School atanga zirlai pass thar te lawmpuina hun nimin khan hmangin zirlai tithate hnenah chawimawina leh lawmpuina pawisafai an hlan bawk.
Nimin-a GHSS Serchhip a hun hman hi he School-a Lecturer MC. Laltanpuia chuan kaihruaiin F. Rinchungnunga LDC chuan hunserh a hmang a, he School Principal PC. Thanhranga chuan zirlaite lawmpuina leh fuihna thu sawiin, Zirlai pass thar te chu an kal lehzelna turah duhsakna a hlan bawk a. Senior Lecturer RK. Sanghmingliana chuan zirlai pass thar te leh he huna tel zirlaite fuihna thuchah a sawi bawk a ni.

He hunah hian School Lecturer Samuel Saithuamliana chuan kumin-a HSSLC Exam a an School dinhmun report pein Arts Stream-ah zirlai 96 exam atangin 74 an pass a, Distinction-ah 3, First Division-ah 24, Second Division-ah 24 leh Third Division-ah 23 an pass a, Pass percentage chu 77.08% a ni tih a sawi a. Science Stream-ah zirlai 56 exam atangin 48 an pass a, Distinction-ah 1, First Division-ah 29, Second Division-ah 17 leh Third Division-ah pakhat pass in Compartmental Chance nei mi pakhat a awm a, Pass percentage chu 85.7% a ni tih a sawi bawk a. Distinction-a pass zirlai 4 te leh English subject-a Mizoram puma Topper bakah Subject mala Mark 80 hmu phak chin mi 56-te hnenah lawmpuina pawisafai an hlan bawk a ni.