Dan lova nungcha tlawh Kanghmun-ah man a ni

Mizoram Police te chuan Inrinni kalta khan Aizawl leh Agartala (Tripura) inkara tlan Maxi Cab pakhat atangin nungcha chi hrang hrang dan lova phurh an man.

Mizoram Police ten thuchhuah siama an tarlan danin May 25, 2025 (Inrinni) khan Kanhmun Police Check Gate-a duty Mizoram Police te chuan Aizawl (Mizoram) leh Agartala (Tripura) inkara tlan Maxi Cab TR-06/0002 chu enfiahin he Motor-ah hian dan lova phurh Rul sawmpariat (18), Satel pali (4) leh Zawng pahnih (2) chu an man a, he Motor neitu leh khalhtu Chawngthanmawia (32), Amapur District, Tripura nia insawi chu Police ten thu zawtfiahin Binoi Molsom @ Sanga Molsom chuan heng nungchate hi Zodin Bus Stand, Aizawl, Mizoram atanga a thawn niin Zo Sumo Travels Counter, Agartala-a Sumo pakhat ah hlan chhawng turin a ti niin a sawi. Mizoram Police te chuan hemi chungchang hi chhui zui nghalin nungcha thawntu nia hriat Binoi Molsom (34), Bakbasa, North Tripura, tuna Silai Mual Melthum-a khawsa nia insawi chu Sairang Police-te chuan an man bawk a ni. Heng nungcha an mante hi Range Officer, Kanhmun Forest Range, Forest Department, Mizoram hnenah a tul anga hma la tura hlan a ni.

Comments

Popular News (Last 30 Days)

Vawiin-ah HSSLC Exam result