LADC-ah sawrkar ngelnghet din thuai an beisei tih sawi

Lai Autonomous District Council (LADC) Sawrkar buaina avanga Governor hnuaia LADC sawrkar thuneihna a awm hnuah Lairam Democratic Progressive Alliance (LDPA) chuan reilote ah Sawrkar ngelnghet leh langtlang, mipui Sawrkar din an in beisei tih an sawi.

LADC sawrkara buaina chungchang ah LDPA chuan Inrinni khan thuchhuah siamin, LDPA chuan tuna LADC Term kallai ah Seat 25-ah MNF chuan Seat 20 lain Manghmunga Chinzah kaihhruai sawrkar an din thu an sawi a, MNF Legislature Party chhungah inphiarrukna a awm avangin sawrkar dinglai chu paihthlain MNF Legislature Party V. Zirsanga kaihhruai sawrkar a din thu an sawi a ni.

An thuchhuah ah chuan MNF MDC zingah inthliarhranna a nasa viau tih tarlangin, eiruk thubuai ah CEM nilai chu vanduaithlak takin Court in thiamloh a chantir a, mahni inthiamlohna neia CEM atanga bang tura an beisei laiin a ban tak mai loh avangte, MNF Party atangin hmalakna a awmloh avangte in Party hrang hranga MDC 13 te chuan CEM in thlawptu a ngah tawklo tih Governor-ah an thlen tih an sawi a, LADC-ah Floor test nei tura ruahman a nih laiin CEM chuan banna thehlutin, hetihlai vel hian Lairam Democratic Progressive Alliance lama MDC pakhat chu lehlam ah a pen tak avangin MDC 12 ve ve neiin sawrkar a ding thei ta lova, LADC thuneihna chu Governor in a laksak ta niin an sawi a ni.

LDPA chuan CEM chuan a ban hma leh thlawptu member a ngah tawhlo chungin hna nghet 20 dawnlai a la tih an thuchhuah ah hian tarlangin, pawi an tih thu an sawi a, hun reiloteah sawrkar ngelnghet leh langtlang, mipui sawrkar a din theih ngei an beisei tih an sawi bawk a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni