Hrangturzo bialtu MLA in chhiatna thlenna a tlawh

Pathianni kalta zing-a thlipui leh ruah thawk in Hrangturzo bial-a chhiatna a thlen hrang hrang te chu nimin khan bialtu Bialtu MLA leh Adviser to Chief Minister (Political) Lalmuanpuia Punte chuan a hmunah a tlawh.
Hrangturzo bialtu MLA hian nimin khan Khawlailung leh Chekawn khua a chhiatna thlenna hmun te tlawh hmasa in hnatlang te thingpui lumna tur a pek bakah a theih anga tanpuina awm theite ngaihtuah tlan anih tur thu a sawi a. Hemi hnu hian East Lungdar khua tlawh lehin Mizoram pum huap Presbyterian Kohhran Pavalai Pawl Intawhkhawm neihna tura Pandal an sak, thli leh ruah thawkin a tihchhiat chu a hmunah kalin a tlawh bawk a, Pandal chim senghawi a hnatlang te thingpui lumna tur leh a tula an hman atan pawisafai a pe nghal bawk a ni.

East Lungdar khua in Zoram pum huap Pavalai Pawl Intawhkhawmna a thlen tur atana inbuatsaihna te thlirin nizan khan Organising Committee chu bialtu MLA Lalmuanpuia Punte ho hian an thukhawm nghal a, nimin-a Pandal chhia seng-hawi hnatlang an neih ah mi 800 vel thawkchhuakin Pandal tlu hi senghawi fel thawkhatin, a thar tur ruhrel engemaw zat an tung hman a, Pandal chim vanga sum hloh zat hi cheng nuai 15 vel anih thu a huaihawttute chuan an sawi a, Pavalai Intawh-khawm hi a hun leh hmun ngaia neih theih turin chhun zan zawma Pandal sak hna thawh an tum a ni.

Hetihlai hian Mizoram Baptist Mipa Pawl (MBMP) chuan Mizoram Presbyterian Kohhran Pavalai Pawl rampum huap Inkhawmpui neih na tur Pandal sak mek chu March ni 31, 2024-a thli tlehin a tihchhiat sak chu pawi an tih thu sawiin, a hun taka inkhawmpui neih a nih theih nan duhsakna a hlan a, Pandal sak that lehna tur atan leh a tul anga hman atan Rs. 20,000/- chu Inkhawmpui Organising Committee hnenah an pe bawk a ni. Tarlan tawh angin rampum huap Pavalai Pawl Intawhkhawmna hi April 12-14, 2024 chhung khian neih tura ruahman a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni