Volleyball-ah Serchhip la chak
Inter-District Volleyball Championship 2024 khelh mekah hian Serchhip District Hmeichhe Team te hian niminpiah-ah Siaha District hneha Semi Final an luh hnuah nimin khan Lunglei District hmachhawn lehin 2-0 (25-20, 25-15) in an chak lo a, an Pool-ah pahnihna niin Semi Final an khel dawn a ni. Pool B-ah Champhai District chuan match thum an khelh ah an khingpui te hneh vekin an Pool-ah pakhatna an ni a, Serchhip District nen hian Vawiin hian Semi Final-ah an inhmachhawn dawn a, Semi Final lehlam ah Lunglei District leh Aizawl District an inhmachhawn bawk ang.
Mipa inelna ah Serchhip District chuan nimin khan an Match hmasa zawkah Siaha chu 2-0 (25-19, 25-19) a hnehin Semi Final an lut a, nimin tlai khan Lunglei District nen inhmachhawn lehin 2-1 (23-25, 25-17, 15-11) in a chak lo zawkah an tang thung a, an Pool-ah pahnihna ni chungin Semi Final an lut a, Lunglei hi an Pool-ah pakhatna an ni thung. Mipa Semi Final-ah hian Serchhip District hian Vawiin hian Champhai District an hmachhawn dawn bawk a, Semi Final lehlam ah Lunglei leh Kolasib District te an inhmachhawn dawn bawk a ni.
Tarlan tawh angin 20th Inter-District Volleyball Championship 2024 hi naktuk-ah Final khelin zawhfel tura ruahman a ni.
Comments
Post a Comment