Social Work chawinun kawngah a theih ang tawka hmalak a tum thu Minister in a sawi

Minister of State B. Lalchhanzova chuan Social Work chawinun kawngah a theih ang tawka hma a lak tur thu a sawi.

‘World Social Work Day 2024’ puala nimin-a Aijal Club-a hun hman a hmanpuina ah Minister B. Lalchhanzova chuan Social Work zirna hawn anih hma chuan tumah in Social Work lampum pawh an hrelo nia sawiin, tunhnaia Social Work hna chak taka thawh anihna chhan bulpui ber chu Social Work zirlaite leh Zirtirtute tuhrah a ni tih a sawi a. Amah ngei pawh Master of Social Work zirchhuak a nih angin, Social Work hna pawimawh zia a hriat chian thu a sawi a, Social Worker ni tur chuan Drug Addiction chungchang te, kum lama upa enkawl lam te thlengin hriat a ngai tih sawiin, Social Work chawinun kawng ah a theih ang tawka hma a lak tur thu a sawi bawk a ni.

World Social Work Day puala hun hman ah hian Mizoram University School of Social Work-a Dean, Prof. Kalpana Sarathy chuan khawtlang ziarang leh nunphung te hmang tangkaia, thawhonna tha tak neih a pawimawh zia leh chu thawhhona chuan ram hmasawnna ah a tha lam zawngin rah a chhuah theih thu a sawi bawk. He hunah hian Mizoram Professional Social Work's Association (MPSWA), Department of Social Work, Mizoram University leh ICFAI te bakah Divine Mercy College te chuan MPSWA member ngei MLA-a thlantlin a nih avangin B. Lalchhanzova hnenah hian lawmpuina an hlan bawk a ni.

Comments

Popular News (Last 30 Days)

LPG man bithliah thar