Serchhip District Team ten hnehna chang ve ve

Mizoram Volleyball Association (MVA) buatsaih ‘20th Inter-District Volleyball Championship’ ah nimin khan Serchhip District aiawha kal Mipa leh Hmeichhe Team ten an match hmasa berah hnehna an chang ve ve.


Aizawl-a khelh 20th Inter-District Volleyball Championship-ah hian Mipa inelna ah District 7 ten Team tirin Serchhip District hi Pool B-ah Aizawl District, Lunglei District leh Siaha District te nen an awm a, Pool A-ah Champhai District, Kolasib District leh Hnahtial District te an awm a, Serchhip District hian nimin khan an Match hmasa berah Aizawl District hmachhawnin 2-0 (25-17, 30-28) in hnehna an chang a, Vawiin hian chawhma dar 10:00-ah Siaha District hmachhawn lehin match tawp berah Lunglei District an hmachhawn leh nghal dawn bawk a ni.

Nimin-a Mipa Pool A inkhel ah Cham-phai District in Kolasib District hnehin Kolasib District in Hnahthial District  an hneh ve bawk a, Group B-a inkhel dangah Lunglei District chuan Siaha leh Aizawl District an hneh ve ve a ni.

Tun tumah hian Hmeichhe inelna ah District 7 bawk telin Pool A-ah Serchhip chu Lunglei District leh Siaha District te nen an awm a, Pool B-ah Khawzawl, Aizawl, Kolasib leh Champhai District te an awm bawk a. Nimin-a Pool A inkhel ah Serchhip District chuan Siaha District chu 2-1 (15-25, 25-13, 15-13) in an hneh a, an Pool a inkhel dangah Lunglei in Siaha hi an hneh bawk a, Serchhip District hian Semi Final an lut chiang tawh a. Vawiin hian Lunglei District hi an hma-chhawn ve leh dawn bawk a ni.

Nimin-a Pool B inkhel ah Aizawl District in Khawzawl District hnehin Champhai District in Kolasib District an hneh bawk a, Aizawl District in Kolasib District hi an hneh bawk a, Vawiin hian Pool Match hi khelh zawh tura rua-hman a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar