Serchhip District-ah Lok Sabha Inthlanpui atana inbuatsaihna kal mek thlirho a ni

Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip DC Meeting Hall-a thutkhawm neih ah hian District Bawrhsap David Lalthantluanga chuan Election Commission of India in Lok Sabha Inthlanpui neih hun tur chu March 16, 2024 khan a puan tak thu leh Mizoram-ah chuan mipui ten April 19, 2024-ah Vote thlakin Vote tla te hi June 4, 2024-ah chhiar a ni dawn tih a sawi a, he huna tel Nodal Officer te chu inthlanna muanawm leh felfai neih a nih theih nana ruahmanna an siam te tha taka hlenchhuak tura theihtawp chhuah turin a chah bawk a ni.


He thutkhawm ah hian Serchhip District Superintendent of Police MS. Dawngkima chuan Serchhip District-ah inthlanna boruak muanawm a awm theih nan theihtawp an chhuah thu sawiin, Inthlanpui-a Duty tur Police te pawhin training hrang hrang an neih tawh thu leh inbuatsaihna peihfel thawkhat a nih tawh thu a sawi bawk a. Nitin-a Report thehluh tur pawh inthlanpui neih hun tur puan a nih atanga thehluh nghal thin a nih thu a sawi a. State pawn atanga inthlanna a Duty tur CAPF leh State chhung atanga rawn kal tur SAPF te tan awm an awmna tur ruahman fel a nih tawh thu leh an mamawh hrang hrang turte pawh ruahman fel a nih tawh thu a sawi bawk.

Serchhip Addl. DC James Lalnithanga leh Nodal Officer hrang hrangte chuan Inthlanpui neih tur atana an inbuatsaihna hrang hrang tarlangin, Lok Sabha Inthlanpui neih tura Expenditure Monitoring Team hrang hrang din fel a nih tawh thu leh Training pawh neiin inthlanpui neih hun tur puan a nih atangin an tihtur hrang hrangte an tih nghal tawh thu tarlan a ni a. Polling Party turin Polling party pakhat-ah hian Presiding Officer leh Asst. Presiding Officer pakhat ve ve bakah Polling Official mi pahnih zel an awm dawn a, hemi atan hian ECI inkaihhruaina in a bithliah angin Presiding Officer leh Asst. Presiding Officer tur mi 107 ve ve leh Polling Official tur mi 214 ruat fel an ni tawh a, tun thla ni 27 khian training hmasa ber neih nise an ti bawk.

Lok Sabha Inthlanpui atan hian Serchhip District-ah hian Sector Officer mi 14 ruat niin  Assembly bial tinah mi pali zel te Duty tura ruahman a ni a, Assembly Bial pathum-ah Flying Squad Team (FST) leh Static Surveillance Team (SST) pahnih theuh din niin Assembly bial tin tan Video Surveillance Team (VST) leh Video Viewing Team (VVT) pakhat theuh din a ni a, Model Code of Conducts Implementation and Monitoring Team leh Media Certification & Monitoring Committees (MCMC) pawh din a ni tawh bawk.

Comments

Popular News (Last 30 Days)

Vawiin-ah HSSLC Exam result