Nu 2 nunna chan chungchang zirchiang turin ti

Tunhnaia John Williams Hospital, Lunglei-a an naupai zai chhuah sak Nu pahnih ten nunna an chan chungchangah thil thlen dan zirchianga report pe turin District thuneitu ten Lunglei CMO an hriattir.

Thulakna in a tarlan danin Lunglei District Magistrate, Lunglei District Deputy Commissioner Lunglei chuan Lunglei Chief Medical Officer hnenah tunhnaia Nau nei, an naute zai chhuah sak hmeichhe pahnih te thihna chungchangah enquiry la tua hriattirin March ni 20, 2024 (Nilaini) hmain report pe turin a hriattir bawk a. Enquiry la tura hriattina ah hian tunhnaia John Williams Hospital-a Bazar Veng leh Rahsi Veng a hmeichhe pahnih, an naute zai chhuah sak hnua damdawi In-a nunna chân Social Media a darh thu tarlangin, Damdawi thiam mite kuta an awm laia chutiang thihna pawi tak a thleng chu ngaihven thuai tula hriat a nih thu tarlan a ni bawk.