MSU in Education Minister hnenah an thlen

Mizo Students’ Union (MSU) General Hqrs. hruaitute chuan nimin khan School Education Minister Dr. Vanlalthlana chu a Pisa-ah hmuin Casual Teacher lak tur leh Mizoram Education Services neih dan tur chungchang an sawipui a. Casual Teacher lak tur chungchangah kum 2013-a MSU leh School Education Department inremna chu Recruitment Criteria pakhatah hman theih nise tiin rawtna a thlen a. Mizoram Education Services chu a taka hna laknaah tih thuai a tul thu an thlen bawk. Hei bakah hian MSU chuan Study Tour Budget tihsan leh College Development Fund tihlenna atana zirna In hrang hrang te’n revenue an chhun thin tihtawp chungchang an thlen bawk a ni.

School Education Minister Dr. Vanlalthlana chuan MSU hruaitute thu thlen chu hmalakna kal lai mek a nih thu leh Study Tour atana sum dah pawh Allocation tihbelh tum a nih thu MSU hruaitute hi a lo hrilh a, theihtawp chhuaha zirna hmasawnna atan thawkho zel turin a sawm a ni.

Comments

Popular News (Last 30 Days)

LPG man bithliah thar