MIMA in Police te hmalakna lawmawm an ti

Mizoram sumdawng pawl, Mizoram Merchant Association (MIMA) chuan tunhnaia V. Lalhmingthangi thih chungchangah Home Minister K. Sapdanga leh Mizoram Polite te hmalakna chu lawmawm an tih thu an sawi.

Nimin-a thuchhuah an siamah MIMA chuan an sumdawnpui V. Lalhmingthangi, kum 52 mi ama eizawnna New Market-a rawng taka thah a ni chu pawi an ti takzet tih sawiin, an thinlung a na hle tih tarlang a. Hetih rual hian V. Lalhmingthangi thattu nia rin leh ni ngeia ngaih rang taka manchhuah a ni chu lawmawm an ti hle tih sawiin, V. Lalhmingthangi thattu hi a phu tawk hremna, a na thei ang bera pe turin Sawrkar an phut tih an sawi bawk.

Hetihlai hian Mizoram State Commission for Women chuan V. Lalhmingthangi, Tuikual South March ni 17, 2024-a ama Dawr bungraw dahna Kudam chhung ngeia rawng taka thah a ni chu pawi an tih thu leh pawikhawihtu hmeichhia a ni lehzel chu pawi an ti lehzual tih an sawi a. Pawikhawihtu hi a phu tawk hremna pek a nih theih nan chak taka hma la zel tura an beisei thu leh hetiang thil hi thleng tawh lo se tih chu an duhdan a nih thu an sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar