Lunglei District-ah chenna In panga thiah sak leh

National Highway-54 laihzauh hna thawh mekah nimin khan Lunglei District-a Zobawk South-ah chenna In panga (5) thiah niin Vawiin hian khaw pahnih-ah chenna In pahnih (2) thiah leh a ni ang.

National Highway-54 laihzauh leh siamthat hna thawh mekah hian he kawngpui laih in chenna In a tihchhiat dawn avanga zangnadawmna pek zingah an chenna In la thiat lo te an awm avangin chak taka hmalak zel a ni a, nimin khan Lunglei District-a Zobawk South khuaah chenna In panga (5) te chu Eviction Notice pek an nih hnuah an In te an la thiah loh avangin Deputy Commissioner, Lunglei District aiawh K.Lalhlimpuia, Assistant Sattlement Officer leh Executive Magistrate nibawk hovin thiah sak leh an ni a, heng te hi C. Lalroliana, F. Lalrinawma, P.Laldenga, Lallawma leh Hmingthanmawia te In a ni a, Vawiin hian Zobawk North a Lalram-nghaka te In leh Dawn khuaa K. Lalengliani te In chu thiah leh a ni ang.

National highay-54 kawngpui sial mekin an chenna In a tihchhiat dawn avanga zangnadawmna an lo pek tawh, In la thiat lo leh insaseng duh loh te hi an In te thiata insaseng turin hriattir an lo ni tawh thin a. He thupek te zawm duh lo an awm fo avanginj Lunglei District-ah hian March 5, 2024 atang khans awrkar chuan na zawka hma lain Tawipui South khuaa S. Lalnghinga In chu thiah sak a lo ni tawh a, March 7 khan Thualthu khua ah Hmangaihthangi, T.Thanliana, Lalruata leh Rinawmi te In chu thiah sak leh niin nimin khan chenna In 5 thiah sak an ni leh a, Vawiin hian khaw pahnih-ah In pakhat ve ve thiah leh tur a ni ang.