Lei chhung tui verh turin phalna lak hmasak ngai

Sawrkar chuan thuchhuah siamin Lei chhung tuiverh reng rengin thuneitute hnenah phalna lak hmasak tur a nih thu a tarlang.

April 7, 2022 a sawrkar in hriattirna tichhuaka a lo tarlan tawh angin Mizoram hmun hrang hranga enfiahna (survey) awm lo leh phalna nei lovin mahni thu a tui verh (lei verh a lei chhung tui siak chhuak) an awm thin tih hriat a nih thu sawrkar thuchhuah chuan tarlangin, enfiahna leh zirchianna awm lova tui verh hian harsatna a thlen theih thu leh tui verh tur ten phalna an lak a ngaih thu siam a lo ni tawh bawk tih an tarlang a. Amaherawh chu phalna nei lovin tui verh an la awm zel nia thudawn a nih thu leh Lei chhung tuiverh reng rengin thuneitute hnenah phalna lak hmasak tur a nih thu hi tarlang nawn lehin, “Mizoram Ground Water (Control and Regulation) Act, 2023 hmangin tuiverh dilna leh enkawl zui zelna tur hi dan siamthat mek niin peihfel tép a ni a. A dilna dan peihfel hma hian tui verh lama hma la rih lo turin mipuite kan inhriattir a ni,” an ti a. Phalna nei lova tui verhte chu Mizoram Ground Water Act, 2023 section 29-na hmangin hrem theih an nih thu leh phalna nei lova tui verh ten buaina an tawk a nih pawhin anmahni in mawh an phurh tur thu an tarlang bawk a ni.

Comments

Popular News (Last 30 Days)

Vawiin-ah HSSLC Exam result