Lok Sabha Inthlanpui neih tur atan hriattirna tichhuakin hming pekluhna hun hawn a ni
Mizoram in Lok Sabha Seat khat a neih hnawhkhahna tura Inthlanpui neih tur atana Returning Officer leh Aizawl District Bawrhsap Nazuk Kumar IAS chuan nimin khan Inthlan hriattirna hi tichhuakin 1-Mizoram (ST) Parliamentary Constituency-ah House of the People atan Member thlan a nih dawn thu leh Inthlanna chuh tumte tan Nomination Paper chu Candidate emaw, a proposer emaw te’n Returning Officer emaw, Asst. Returning Offider Lalnunmawii emaw hnenah te March 27, 2024 aia tlai lovah zing dar 11:00 leh tlai dar 3:00 chhungin Public Holiday tih lovah a thehluh theih tih a tarlang a. Nomination paper hi Returning Officer’s Office-ah lakchhuah theih a nih thu a tarlang bawk.
Returing Officer in thuchhuah a siam ah hian inthlan chuh tuma Nomination Paper thehluh te hi March 28, 2024 chawhma dar 11:00-ah Returning Officer’s Office-ah endik a nih dawn thu leh Candidate inhnukdawk duh chuan an inhnuhdawhna (Notice of Withdrawal) chu anmahni ngeiin emaw, an Proposer emaw, an Election Agent emaw te’n Candidate in a Authorise-na lehkha ziak nen Returning Officer emaw, Asst. Returning Officer hnenah emaw March 30, 2024 tlai dar 3:00 rik hmain thehluh tur a nih thu a tarlang bawk a. April 19, 2024 zing dar 7:00 leh tlai dar 5:00 inkar ah Vote thlak tur a ni ang.
He inthlanna neih tur atan hian Mizoram District hrang hrangah te pawh inbuatsaihna hi ngawrh taka kalpui mek a ni bawk.
Mizoram-a Lok Sabha Inthlanpui neih tur atan hian Political party hrang hrangte chuan boruak thar an la nei lem lo thung a, Mizoram a Rorellai ZPM Party chuan an Candidate atan Richard Vanlalhmangaiha (Richie) puang tawhin PC Party pawhin Rita Malsawmi chu an Candidate a nih tur thu an puang tawh a. Political Party dang erawh chuan an Candidate tur la puang lovin Indian National Congress (INC), Mizo National Front (MNF) leh Bharatiya Janata Party (BJP) te chuan Candidate hi an neih theuh rin a ni thung.
Comments
Post a Comment