Lirthei chuanman bithliah thar

Mizoram State Transport Authority (STA) mipui phur chi lirthei-a chuanman tur bithliah thar a siam a, he rate thar hman tan nghal tura tih a ni.
STA chuan kar kalta thuchhuah siamin, kumin February ni 19-a STA thukhawmin a rel angin, man chawi a mipui phur lirthei Service Taxi, Auto Rickshaw leh Maxi Cab te chuanman a bithliah thar a. Hemi ang hian Two Wheeler Taxi chu KM 1 zelah Rs. 30/- niin KM khat dang hnuah erawh KM tinah Rs. 20/- zel a ni ang a. Taxi pangngai (ke pali nei)-ah chuan KM 1-ah Rs. 55/- niin, hemi hnuah KM tinah Rs. 45/- zel a ni ang. Auto Rickshaw chuanman chu KM khat-ah Rs. 35/- niin a hnu KM tinah Rs. 25/- zel a ni bawk ang. Maxi Cab chu Metal Road a a tlanin KM 1-ah Rs. 3.50 leh Metal Road lo-ah Rs. 4 a ni dawn a ni. 

He rate thar siam a nih hnu hian Serchhip to Aizawl Maxi Cab Drivers’ & Owners’ Welfare chuan Serchhip leh Aizawl inkara Maxi Cab (Sumo) chuanman Rs. 350/- ni thin chu Vawiin, March 25, 2024 atang hian Rs. 400/- a nih tawh dawn thu an sawi a ni.