LADC-ah VC thlang turin inbuatsaih chho mek

Lai Autonomous District Council (LADC) hnuaia Village Council (VC) Inthlanpui buatsaih tur atan Electoral Roll enfiah hna chu thawh tan niin April 17, 2024-ah Final Electoral Roll tlangzarh a ni ang.

LADC hnuaiah hian Village Council 99 awmin heng VC hrang hrangah hian inthlanna neih a ni dawn a, India khua leh tui, Tribal, April ni 1, 2024-a kum 18 tling chinte tan inthun thar theih a ni dawn a, Hming thun thar, paih leh siamthat duh nei te tan March ni 28, 2024 atanga April ni 5, 2024 chhungin dilna thehluh theih a ni anga, thla thar April 17 khian Final Electoral Roll chu tlangzarh a ni ang. Draft Rlectoral Roll-a a lan danin LADC hnuaia VC hrang hrangah hian vote nei mipa 26,683 leh hmeichhia 27,420; an vaiin mi 54,103 an awm a. Vote tam berna 72-Chandmary (Lawngtlai) VC-ah voter mipa 1,286 leh hmeichhia 1,405, an vaiin voter 2,691 an awm a. Vote tlem berna 59-Chamdurtlang-II VC-ah voter mipa 45 leh hmeichhia 43, an zavaiin voter 88 an awm thung a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar