BRO hotu in Governor kawm

Niminpiah tlai khan Border Roads-a Director General (DG) Lt. Gen. Raghu Srinivasan chuan Mizoram Governor Dr. Hari Babu Kambhampati chu Raj Bhavan-ah hmuin Mizorama ramri hrula kawngpui siam kawnga Border Roads Organisation (BRO) hmalak tawhte a sawipui a, kawngpui siam hna thawh meka hmasawnna leh hmachhawp awm mekte an sawidun bawk. He hunah hian Governor chuan DG Border Roads kaihhruaina hnuaia BRO-in ramri hrul leh hmun kilkhawra kawngpui pawimawh tak tak siamna kawnga an hmalakna ah lawmthu a sawi a. Ramri hung leh enkawlna kawnga thil pawimawhte a sawipui bawk a ni. BRO-a DG chuan BRO-te chu tlangram chhengchhe tak taka hnathawka kawng siam thin an ni tih sawiin, heng ah te hian Lei te dawhin, Leiverh hautak tak takte pawh an thawk tawh thin tih a sawi a. Mizoram in a mamawh phawt chuan heng an thiamnate leh an tawnhriatte hi chhawr tangkai theih turin an inhuam reng a ni tih a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man