Ni 100 inhlawhna pechhuak

Mahatma Gandhi National Rural Employment Guarantee Act (MGNREGA) hnuaia mipui te inhlawhna tur sum cheng vbc. 164.27 chu niminpiah khan sawrkar laipui-a Ministry of Rural Development chuan a rawn release tih sawkar thuchhuah chuan a tarlang a. MGNREGA hnuaia inhlawhna Wages bik hi Central Sawrkar atanga 100% direct funding niin Wage Payment hi Mizoram Sawrkar Finance Department kaltlang lo in, Job Card holder te Account-ah Direct Benefit Transfer (DBT) hmangin Central Sawrkar-in a rawn thun (credit) thin a. Mipuite inhlawhna ang zelin Mizoram Sawrkar RD Department chuan FTO hi MIS-ah District leh Block tina thawktute kaltlangin a siam (generate) sak nghal zel thin a ni.