Serchhip-ah lirthei Dan zawm lo 43 man an ni tawh
.jpeg)
Kan hma-a Krismas leh kumthar lawmna lo thleng tur mipui ten dam leh hlim tlang taka an hman theih nam Serchhip Traffic Police te chuan kar hmasa Nilaini atang khan Serchhip-ah 'No Tolerance Drive/Checking' hi an kalpui a. Inrinni thleng khan lirthei 534 enfiah tawhin heng atang hian Dan zawmlo leh Dan bawhchhia 43 man an ni tawh a, heng mite pawisa chawi tlingkhawm chu Rs. 1,66,000/- a tling tawh a ni.
Lirthei enfiah hna kalpui tan ni, Nilaini khan lirthei 180 enfiah niin Dan bawhchhia mi 12 man an ni a, an pawisa chawi tlingkhawm chu Rs. 32,500/- niin Ningani khan lirthei 171 enfiah lehin Dan zawmlo mi 15 man an awm a, an sum chawi Rs. 65,500/- niin Zirtawpni-a lirthei an enfiah 151 atangin Dan zawm lo mi 14 man lehin an sum chawi chu Rs. 65,500/- a ni a. Inrinni-ah lirthei 32 enfiah niin Dan zawmlo mi 2 man an ni leh a, an sum chawi chu Rs. 2500/- a ni bawk. 'No Tolerance Drive/Checking' kalpui mek hi tunkar Nilaini thleng kalpui tura ruahman a ni.
Comments
Post a Comment