Pangang khawihtute tan Serchhip-ah Training neih a ni

Nimin khan Serchhip Hmar Veng YMA Hall ah Silk Samagra-2 Project hnuaiah Farmers Training neih a ni a, he hun hi Sericulture Department Director V. Zothansanga chuan a rawn hmanpui a ni.
Serchhip-a District Sericulture Office leh Research Extension Centre, CSB, Aizawl buatsaih he Training hawnna hunah hian Sericulture Department Director chuan eng kawng pawh nise theihna leh thiamna a in ang lova, thiam vek leh hre vek a awm theih bawk lova, chuvang chuan intathriam a, hmasawn zel turin training neih hi a pawimawh em em a ni, a ti a. District Office in training a buat-saih chu lawmawm tiin Silk pangang vulhtuten hlawk zawka an tharchhuah theih nan mithiam zawkte zirtirna an dawn hian nasa taka a puih ngei a beisei thu a sawi a. An training-ah thil hautak leh harsa tak zir tur a awm dawn lo tih pawh sawiin, hlawk taka hmang turin duhsakna a hlan bawk.

Nimin-a Training hi hun hnih-ah then niin hun hmasa zawkah B. Lalchhuana, Deputy Director & Project Co-ordinator chuan Project (Purpose, action, goals) tih thupui hmanga zirtirna pe in Lalthlamuana Pachuau, Sericulture Scientist chuan Pruning Schedule and quality Cocoon production tih hmangin a zirtir a. Hun hnihna ah Janet V. Sailo leh Remlalliani Zadeng, DSO ten zirtirna an pe bawk a. He hunah hian Baktawng, Bungt-lang, Chhiahtlang, Hualtu leh Serchhip a Pangang khawitute an tel a ni.

Comments

Popular News (Last 30 Days)

LPG man bithliah thar