Hmeichhe Vote tla thatna MHIP te lawmman hlan an ni

Mizoram Assembly Inthlanpui neih zawh taka Serchhip District chhunga Polling Station 88 zinga Hmeichhe Vote thlak thatna te MHIP Branch te hnenah nimin khan Serchhip District-a SVEEP Nodal Officer Lalnunmawii chuan lawmman a hlan.
Serchhip District Election Office hnuaia SVEEP kaltlangin Serchhip District chhunga MHIP Branch hrang hrang te chuan Assembly Inthlanpui neih zawh takah khan hmeichhe vote thlak an pun theihna tura hma lain hemi kawngah thawhdunna hi Oct. 25, 2023 khan Serchhip DEO David Lalthantluanga leh Serchhip MHIP President Lianthangi te chuan thawhhona thuthlung ziakin Serchhip District chhunga MHIP Branch hrang hrang te tan inelna buatsaih a ni a. He thawhhona ang hian Vote tlak thatna Polling Station huamtu MHIP Branch te hnenah hian nimin khan SVEEP Nodal Officer hian lawmman hi a Pisa-ah a hlan a ni.


He inelna ah hian Neihloh Branch MHIP in lawmman pakhatna dawngin Rs. 10,000/- hlan an ni a, Neihloh Polling Station-ah hian hmeichhia Vote nei za zela 94.95 ten Vote an thlak a. Buh-kangkawn Branch MHIP hnenah lawmman pahnihna Rs. 7000/- hlanin Neihloh Polling Station-ah hian Hmeichhe Vote nei za zela 94.82 in Vote an thlak a. Hriangtlang Branch MHIP in lawmman pathumna dawngin Hriangtlang Polling Station-ah hian hmei-chhia vote nei za zela 93.89 in Vote an thlak a, Rs. 5000/- hlan an ni bawk.

Heng bakah hian Hmeichhia Vote nei atanga za zela 90 chin chunglam Vote thlakna Branch 14 awm bawkin, Rs. 5000 theuh Special Prize siamsak an ni a. Za zela 80 chin chunglam hmei-chhe vote thlakna Branch 68 hnenah Rs. 1000/- theuh hlan an ni bawk a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni