AR hotu in CM a lawmpui

/

Chief Minister Lalduhoma chu nimin khan Brigadier Girish Upadhya, SM, VSM, DIG, 23 Sector Assam Rifle, Aizawl chuan a Pisa-ah hmuin lawmpuina a hlan a, Chief Minister chuan ruihhlo leh dan lova kuhva tawlh te dangchata titawp tur te, Zokhawsang-a Assam Rifles te an insawn pheina tur atana Mizoram sawrkarin tihtur a la neih ang angte ziaka a hnena thlen tur leh Zo-khawsang-a an ram paltlanga feh ngaiten an feh kawng ve tur an neih fel hma chu phal taka lo paltlangtir tur te in a chah a, Brig Girish Upadhya hian a theih anga a lo bawhzui nghal tur thu Chief Minister hi a hrilh a ni. Heng bakah hian Mizo thalai tam zawkte sipai-a an tan zel theihna tura thil pawimawhte an sawidun bawk.

Nimin vek khan Central Reserve Police Force (CRPF), NE Zone-a Additional Director General Binod KR Singh IPS leh CRPF-a IG Subrat Mishra leh DIG Virender Aggarwal te chuan Chief Minister hi a pisa-ah hmuin lawmpuina an hlan a. Indian Police Service mi leh sa ni thin Vawiin-a Chief Minister hial a ni thei chu an chhuang hle tih an hrilh a, Mizoram in a mamawhna kawng tinrengah tanpuia thawhpui turin an inpeih reng tih an hrilh a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »