State Pariat leh UT panga Foundation Day lawmna nei

Mizoram Governor Hari Babu Kambhampati chuan niminpiah tlai khan Aizawl-a Raj Bhavan-ah ram chhunga State pariat leh Union Territory panga te Statehood Day lawmna hun a buatsaih a, he hunah hian IAF Air Chief Marshal, Vivek Ram Chaudhari-a leh Chief Secretary Dr. Renu Sharma-i te pawh an tel a ni. He hun hmanna ah hian Governor Hari Babu Kambhampati-a chuan ramchhung State hrang hrang leh Hnam hrang hrang te inzahtawn taka chenho a nih chuan India chu ram chak tak a ni chhunzawm zel thei ang, tiin chutianga awm zel tur chuan mipui a chah a ni.

Kumtin November ni 1 hi State 8 - Andhra Pradesh, Chhattisgarh, Haryana, Karnataka, Kerala, Madhya Pra-desh, Punjab leh Tamil Nadu State tan Foundation Day a ni a; Union Territory panga - Andaman & Nicobar Islands, Chandigarh, Delhi, Lakshadweep leh Puducherry te tan pawh Foundation Day a ni bawk a. State Foundation Day pual program hi Ek Bharat Shreshtha Bharat hma-lakna hnuaiah State tinah lawm mek a ni.

He hunah hian Cultural Troupe ten  hnam lam, zai rimawi  leh special item hrang hrang an entir a, heng State 8 leh UT 5 atang hian Palaite an tel bawk.

Comments

Popular News (Last 30 Days)

Vawiin-ah HSSLC Exam result