Postal Ballot hmangin Vote sang chuang a tla tawh

Mizoram Legislative Assembly Inthlanpui a Vote thlak zawhfel a nih hnuah Serchhip District ah Postal Ballot atangin Vote 1049 a tla tawh a, Service Voters te Vote rawn lut turte nen hei hi la pung leh tura beisei a ni.
Kumin a Mizoram Assembly Inthlanpui-ah hian Assembly Inthlanpui a Duty tur mi 840 ten Postal Ballot hmang hian Vote an thlak a, heng bakah hian sawrkar in kum upa leh Vohbik (PwD) te tana Home Voting a ruahman bakah Essential Services te tana Postal Ballot a ruahman hmangin mi 184 ten Vote hi an thlak bawk a, Serchhip District pawn lama awm Essential Services zingah mi 25 in Vote thlak bawkin, heng ruahmanna pathum hnuaiah hian mi 209 ten Postal Ballot hmangin Vote hi an thlak ta bawk a ni.

Serchhip Bial-ah kum 80 chunglam mi 101 te leh PwD mi 14 ten Home Voting hmanga Vote thlakin Essential Services mi 7 ten Postal Ballot in Vote an thlak a. Tuikum Bial-ah kum 80 chunglam mi 20 leh PwD mi 8 bakah Essential Services atangin mi 4 ten Vote an thlak a. Hrang-turzo Bial-ah kum 80 chunglam mi 25 bakah Essential Services atangin mi 5 ten Postal Ballot hmanga Vote hi thlakin PwD zingah Home Voting hmang an awm lo thung a ni.

Serchhip District-a Services Voters te atangin Postal Ballot hi rawn thleng leh tura beisei mek ala ni bawk a. Serchhip District-ah Assembly Bial pathum-ah hian Service Voters 413 awmin Serchhip Bial-ah 197, Tuikum Bial-ah 124 leh Hrangturzo Bial-ah 92 te a ni.