Nature Learning Centre Tour member ten tlawh

Mizoram Sawrkar hnuai Environment, Forest and Climate Change Department bultumin, Nature Learning Centre, Mizoram-a thawktute, MZP Hqrs.Champhai hruaitu mi 6 leh Champhai Vengsang H/S zirlai 4 te chuan nimin khan Assam-a Kaziranga National Park an tlawh.

Nimin-a helai hmun Mizoram atanga tlawhtute hian Park chhunga khawvela Nauban huan lian ber ni a sawi te, kum 2015 October thla a din helai hmuna Nauban khawina bik tura siam (Orchidarium) te leh Assam National Museum te an tlawh a. Champhai-a Mizoram Nature Learning Centre din thar tur atana thil tul leh pawi-mawhte uluk takin an zir nghal a ni. 

Nature Learning Centre Tour member 13 te hian nimin chawhnu lam khan Kaziranga National Park chhung fangin, ramsa leh nungcha chi hrang hrang te dinhmun zirin hun an hmang bawk a. Vawiin hian Guwahati Sahuan tlawhin, Champhai Tlangsam-a Satellite Animal Rescue Centre dinna tur atana thil tul leh pawi-mawhte an zirho leh anga, tunkar Inrinni-ah Mizoram lam panin an lokir leh ang.