Lottery-ah eirukna awm ah ngai

Mizoram Pradesh Congress Commitee (MPCC) Media hruaitute chuan nimin khan Aizawl Press Club-ah thuthar thehdarhtute kawmin Mizoram sawrkarin sum a tuakna hmanraw pawi-mawh tak State Lottery hmangin corruption leh inrawkna nasa takin a kalpui mek nia hriat a nih thu an sawi a. He corruption-ah hian Minister lawk leh sawrkar Officer lian enge maw zat inrawlha sawi a awm thu pawh sawiin, “Hemi thilah hian private sumdawng leh sawrkar mi inthlunzawmin mimal hlawkna tel an awm ngeia hriat a ni a. Hei vang hian Mizoram in nasa takin sum leh pai a hloh phah thung,” an ti bawk.