Zirlai ten Badge dum bel

Govt. Higher Secondary School Serchhip a zirlaite chuan an School-a Zirtirtu indaihlohna avanga Zirtirtu dah belh ngiatin niminpiah atang khan Badge dum an bel.
Govt. Higher Secondary School Serchhip-a Zirlai naupangte hian thla hmasa September 20 khan an School-a Zirtirtu dah belh phut hian lungawi lohna an lo lantir tawh a, Serchhip-a MNF Party hruaitute nen inbiakna an neih hnuah lungawiloh lantir nana kawngzawh an tum pawh an thulh lailawk bawk a ni. Hemi hnu hian he School-a Zirlai naupangte hian History, Mizo, Physics leh Chemistry Zirtirtu dah belh an phut thu hi School Education Minister hnenah an thlen leh a, Samagra Shiksha hnuaiah Sept. 26 khan Chemistry Zirtirtu chu attached-a dah lailawk niin amaherawh chu zirlai ten an phut anga Zirtirtu pek an la nih loh avangin zirlaite hian niminpiah atang khan Badge dum hi an bel leh ta a ni.

Hetianga ni hnih chhung Badge dum an belh hnuah hian sawrkar atanga thu lawmawm an dawn loh chuan Vawiin atang hian School kal chunga Class kal loh an tum thu Minister hnena an lehkha thehluh ah an lo tarlang tawh a. Ni 2 chhung School kal chunga Class hi kal lovin hei hian awmzia a nei lo a nih fo chuan October 9-ah khian an Zirtirtute leh DEO Office kai tur dan an tum bakah October 10-ah kawngzawh an tum thu an lo sawi tawh bawk a ni.