School Building 3 hawng

School Education Minister Lalchhandama Ralte chuan nimin khan Darlawn leh East Phaileng-ah School building sak thar pathum a hawng a, heng te hi Govt. East Phaileng Primary School-II; Samagra Shiksha Higher Secondary School (Arts Stream) E. Phaileng leh Samagra Shiksha Higher Secondary School (Science Stream) Darlawn te niin Minister chuan zirna pawimawh thu he hunah hian a sawi a ni. Nimin a hawn tak Govt. East Phaileng Primary School II hi NABARD sum atanga sak a ni a, Higher Secondary School building pahnih te hi Samagra Shiksha sum atanga sak a ni thung.