Ngentiang-ah School Building thar Minister in a hawng

Pradhan Mantri Aadi Adarsh Gram Yojana (PMAAGY) Scheme hmanga sak Govt. Middle School Ngentiang building chu nimin khan bialtu MLA leh Social Welfare & Tribal Affairs Minister Er. Lalrinawma chuan a hawng.
School building hawnna inkhawm neih ah SW&TA Minister chuan hringnun bulthut chu zirna anih angin zirna In thar tha tak khawtlang hruaitute leh mipuite inpekna zarah Ngentiang khua in an nei thei chu a lawmpui thu a sawi a; a enkawl zui zelnaah pawh thawhhona tha tak nen mipuite chu mawhphurna sang tak an neih thu a sawi a Mahni kawtkaia zirna In te chu ngaihven zui zela, hmabak hlenna kawnga zirtirtute leh zirlaite pawh a theih chinah inpuitawn zel turin a sawm a ni. Bialtu MLA chuan a bial chhung enkawlnaah eizawnna, zirna leh hriselna chu a ngaih pawimawh zual a nih reng thu sawiin, mahni khaw chhung hmasawnna hnathawh leh sawrkar hmalakna te thlawp zel turin a sawm nghal bawk a ni.


Govt. Middle School Ngentiang building thar hi PMAAGY Scheme atanga Village Council hruaitute enkawlna hnuaiah cheng nuai 20.23 senga sak a ni a. A hawnna puala inkhawm hi Felix Vanlalfela chuan kaihruaiin he School Headmaster Incharge Lalremmawia chuan building thar tha tak an nei chu lawmawm a tih thu a sawi a. He School a Headmaster pension ta Lalrinenga chuan kalkhawmte lawmna leh School din chhoh dan sawiin, District huap inelna ah pawh lawmman an lak thin chu mipuite nen an thawhhona rah a nih thu a sawi a, hun kal zel turah pawh lawmman dawng thei tur khawpa School enkawl turin duhsakna a hlan bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar