Inthlanpui atan Social Media Monitoring Cell din a ni

Mizoram Police te chuan Assembly Inthlanpui neih tur atan Social Media Monitoring Cell an din.
Hemi chungchanga Mizoram Police thuchhuah in a tarlan danin kumin-a General Election to the Mizoram Legislative Assembly 2023 kan hmachhawn turah pawl leh mimal tupawh, Model Code of Conduct (MCC) bawhchhiaa Social Media hmanga dawt leh midang beihna te leh pawl dang tana pawi thei thilte vawrhdarh lo tura ngen leh hriattir an nih thu tarlangin, hemi kawnga chak zawka hmalak a nih theih nan DIG (Northern Range) chu Social Media Monitoring & Cyber Crime Nodal Officer turin ruat a nih thu leh hemi kaihhnawihah hian Staff Officer to DIG (NR) enkawlna hnuaiah Social Media Monitoring Cell din nghal a ni tih an tarlang a. Hetiang thila complaint duh nei chuan Social Media Monitoring & Cyber Crime-a Incharge Inspr. L.Ramnghahmawia (Ph. 9862536585) bakah Member Dally Vanlalfaka (Ph. 8974965717), Zonunmawii (Ph: 9612220206) leh Lalmuanpuia (Ph: 8575187636) te hnenah hriattir tur a ni ang.

Mizoram Police chuan inthlanpui zalen, felfai leh muanawm tak kan neih theihna turin mipuite chu tha taka thawhpui tur leh dan kalha thiltihte dan kengkawhtute hnena hriattir thuai thin turin an ngen bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man