Congress Party in MLA Candidate tur mi 39 hming an tarchhuak

Mizoram Legislative Assembly inthlanpui neih tur atan Congress Party chuan nimin khan an Candidate turte an puang ta.

 All India Congress Committee (AICC) General Secretary KC. Venugopal chuan nimin khan Mizoram Assembly bial 40 zinga bial 39-a Congress Candidate turte hi a tarchhuak a, Bial 40 zingah Lunglei South Bial-a Candidate tur chu tarchhuah ni ve lovin he Bial hi Miriam L. Hrangchal nena an sawizawm mek a ni a, Vawiin lam hian he Bial a ding tur pawh hi an ti chiang dawn nia sawi a ni. MPCC Candidate tur an puan ah hian 1-Hachhek Bial-ah bialtu MLA nilai Lalrindika Ralte dingin 2-Dampa Bial-ah Lalhmingthanga Sailo; 3-Mamit ah K. Lalthanzama; 4-Tuirial ah Dr. Henry Zodinliana Pachuau; 5-Kolasib ah S. Lalrinawma; 6-Serlui ah Lalhmachhuana; 7-Tuivawl ah RL. Pianmawia; 8-Chalfilh ah Vanneihthanga; 9-Tawi ah Lalringliana Khiangte te an ding ang. 10-Aizawl North-I ah MPCC Vice President Lalnunmawia Chuaungo dingin 11-Aizawl North-II ah R. Lalrinawma a ding anga, 12-Aizawl North-III ah MPCC Sr. Vice President Lal Thanzara dingin 13-Aizawl East-I ah Lalsanglura Ralte a ding anga. 14-Aizawl East-II ah PC. Lalhmingthanga; 15-Aizawl West-I ah R. Lalbiakthanga; 16-Aizawl West-II ah Dr. Ngurdingliana; 17-Aizawl West-III ah MPCC President Lalsawta; 18-Aizawl South-I ah Vanlalawmpuii Chawngthu; 19-Aizawl South-II ah MPCC Treasurer Dr. Lalmalsawma Nghaka leh 20-Aizawl South-III ah Rosiamngheta te an ding ang.

21-Lengteng-ah Lalhmingthanga Pachuau chu dingin; 22-Tuichang ah C. Lalhriatpuia; 23-Champhai North-ah K. Lalnunmawia; 24-Champhai South-ah Dr. Lallianchhunga; 25-East Tuipui-ah C. Lalnuntluanga; 26-Serchhip-ah R. Vanlaltluanga; 27-Tuikum ah TT. Zothansanga; 28-Hrangturzo ah F. Lalroenga te an ding anga. 29-South Tuipui-ah C. Laldintluanga; 30-Lunglei North-ah  Eric R. Zomuanpuia; 31-Lunglei East-ah Joseph Lalhimpuia; 32-Lunglei West ah PC. Lalthanliana leh 34-Thorang ah bialtu MLA nilai Zodintluanga Ralte te an ding dawn bawk a ni.

Heng bakah hian 35-West Tuipui-ah bialtu MLA nilai Nihar Kanti Chakma chu a ding leh dawn a, 36-Tuichawng ah Hara Prasad Chakma a ding dawn bawk a, 37-Lawngtlai West-ah bialtu MLA nilai C. Ngunlianchunga chu ding lehin 38-Lawngtlai East-ah H. Zothangliana; 39-Saiha-ah N. Chakhai leh 40-Palak-ah IP. Junior te an ding dawn bawk a ni.

Comments

Popular News (Last 30 Days)

LPG man bithliah thar