V. Thangzama Kutchhuak zirho

Mizo Academy of Letters (MAL) chuan nimin khan Aizawl Synod Conference Centre-a Pi Zaii Hall-ah hlaphuah thiam, V. Thangzama Kutchhuak Zir chianna Seminar an buatsaih a, he hun hi Human Resource Development Board Vice Chairman Dr. L. Thangmawia chuan hmanpuiin V. Thangzama hlate chu zir chian tlak tak a nih thu leh a hlate hi kawng hrang hranga thlir pawha Mizo hnam tana hlu tak vek a nih thu a sawi bawk. He Seminar hi MAL President Prof. RL. Thanmawia chuan kaihruaiin Lalrammawia Ngente, Asso. Professor, Govt. Johnson College chuan thupui sawihawnna a nei a. mithiam 14 ten Paper an buatsaih chu zirho a ni.