Serchhip-ah e-Sharm Registration Camp neih a ni

Labour, Employment, Skill & Entrepreneurship Department (LESDE) leh Serchhip District Common Service Centre(CSC) te tangkawp buatsaihin nimin khan Serchhip-ah mahni kut ke a eizawngte mumal taka chhinchhiahna tur ‘e-Sharm Registration Camp’ chu neih a ni.
Sawrkar laipui Ministry of Labour & Employment chuan ram-chhunga hnathawktu (Un-organised Workers) te hamthatna turin kawng hrang hrangin hma a la a, hnathawktute inkara thawhhona tha a lo awm theih nan te leh hnathawktu ten vanduaina leh chhiatna an tawh palh pawha an thlavenna kawnga hmalakna turin India ramchhunga mahni kut ke a eizawng te mumal taka chhinchhiahna atan E-Shram portal hi a duang thar a ni. Hetianga an thiamna leh an dinhmun te chiang taka hriat anih chuan sawrkar atanga hamthatna awm thei te awlsam lehzuala an dawn theih bakah hna dang, an thiamna mil tawk chu awlsam zawk an hmuh theih beisei a ni.

Hei bakah hian Central sawkar Scheme PM-SYM leh NPS Traders hnuaiah pawh kum 18-40 leh kum 16-59 inkar te chu e-Shram Portal hnuaiah hian an inziaklut thei a, e-Shram hnuaia inziaklut zawng zawng te hi Pradhan Mantri Surakshal Bima Yojana (PMSBY) Scheme hnuaiah kum khat (1) chhunga ziahluh nghal vek an ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar