RD Minister in Reiek BDO Office thar a hawng

Cheng nuai 161.64 senga sak thar Reiek Block Development Officer (BDO) Pisa chu nimin khan Rural Development Department changtu Minister Lalruatkima chuan a hawng.

Reiek BDO Office thar hawnna ah hian RD Minister chuan hripui na tak karah RD Department thawktute leh khawtlang hruaitute thawhhona zarah BDO Office building thar pali leh Project Director Office pathum hawn theih a ni chu lawmawm a tih thu sawiin, Mizoram RD Department chuan Mizoram mipui 80% vel a enkawl mek thu a sawi a, BDO leh a staff te chu VC te thurawn lakna leh ngampa taka an len theihna turin inhawng taka awm tura chahin duhsakna a hlan nghal a ni.

Reiek BDO Office building hi MGNREGS (Mahatma Gandhi National Rural Employment Guarantee Scheme) Fund Contractor profit paih hnuah cheng nuai 161.64 senga sak niin Mizopa chhiar a chhawng li a ni a. Officer Room 4, Staff Cell 6 bakah mi 108 lenna Conference cum Training Centre a awm a ni. Reiek RD Block hi kum 1974-a din niin nimin a hawn tak Building hi nikum May 20 khan sak tan a ni a, kumin August 18 khan sak zawh a ni a, thla 16 chhunga sak zawh a ni.

Comments

Popular News (Last 30 Days)

LPG man bithliah thar