ICFAI VC in Larsap kawm

ICFAI University Mizoram Vice Chancellor thar Prof. Dr. Bijay Singh leh Registrar Dr. David Lawmzuala te chuan nimin khan Mizoram Governor Dr. Hari Babu Kambhampati chu Raj Bhavan-ah kawmin ICFAI kalpui dan leh an hmachhawp te an sawipui a. Governor chuan ICFAI University Mizoram ten Ccourse hrang hrang an zirtir mek te chu tha a tih thu sawiin, Skill Development leh Vocational Education huang ah te tan lak a ngai tih a sawi a. Teaching Faculty te chu tan la chhunzawm tura fuihin, Zirlaite hnenah State pawnlama hna hmuh theihna tura thiamna zirtir turin a chah bawk a. ICFAI University Mizoram in hma a sawn zel theih nan a tul phawt chuan tanpui a inpeih reng thu a sawi bawk. ICFAI University Mizoram hian NEP 2020 an hmang tan tawh a, tunah hian Course hrang hrang 12 hnuaiah zirtirna an kalpui mek a, Zirlai 630 an nei mek a ni.