Aizawl-ah Memory Walk nei

World Alzheimer’s Day pualinr nimin zing khan Aizawl Chanmari kawn atanga Millenium Centre thlengin ‘Memory Walk’ neih a ni a, he hun hi Health Minister Dr. R. Lalthangliana chuan a hmanpui a ni. Khawvelin a buaipui Alzheimer natna hi Mizoram-ah pawh ‘Thluaksawng natna’ tiin, natna hriat hlawh tak a lo ni ta a. A tihdamna a awm lo ti mahse a veite enkawl danah chhungkua, thenawm khaw vengte leh khawtlang hriatthiamna, enkawl thiamna leh intawiawm tawnna chu thil tul tak a nih avangin a ngaihventu pawl din a ni a. India ram puma Alzheimer natna leh a anpui natna dangte ngaihventu pawl, Alzheimer and Related Disorders Society of India (ARDSI) Mizoram Chapter chu 21st September, 2015, Alzheimer Day-ah din niin he ni pual hian Memory Walk hi neih thin a ni.