Serchhip-ah MHIP Day vawi 49-na lawm a ni

Mizo Hmeichhe Insuihkhawm Pawl (MHIP) Day vawi 49-na chu nimin khan hmun hrang hrangah lawm niin Serchhip-ah pawh Branch hrang hrang ten anmahni remchan angin MHIP Day hi an lawm a ni.
MHIP Day vawi 49-na hi Serchhip-a MHIP Branch te chuan mahni Branch-ah theuh hmangin Serchhip P&E Veng Branch ten P&E Veng YMA Hall-a MHIP Day an lawmna hi Serchhip District AH&Vety Officer Dr. R. Lalmakthanga chuan khuallian niin a hmanpui a, Chhungkua a hmeichhia te leh nu te pawimawhna tarlangin, Kohhran leh Political party-ah te pawh Hmeichhia ten inhlawmkhawmna pawl tha tak neiin a pawl pumpui tichaktu pawimawh tak an ni thin tih a sawi a. Hnam-a kan chian a pawimawh thu te, kan Society-a thil tha te kan inzirtir zel leh mahni chhungkaw mamawh kan tharchhuah theih te tharchhuak tura infuih zel kan mamawh thu sawiin, chutiang ah chuan chhungkaw nu te chu a pawimawh ber an nih thu a sawi bawk a ni.


MHIP P&E Veng Branch ten MHIP Day an lawmna ah hian an huamchhunga zirlai titha zual mi 4 te hnenah chawimawina hlanin kum upa te chawimawina hun hman a ni bawk a, Report te ngaihthlak niin MHIP Thuthlung sawirual a nih bakah zaithiam zai te ngaihthlak a ni bawk.

MHIP Sub-Hqrs. Serchhip Pesident Lianthangi leh a thawhpui te chuan MHIP Day hi Sialsir Branch-ah an hmanpui bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar