Essay inziahsiak lawmman sem

Serchhip District Police ten International Day Against Drug Abuse and Illicit Trafficking 2023 denchhena June 20, 2023-a High School leh Higher Secondary School zirlai naupangte puala ‘Ruihhlo Thalaite hmelma’ tih thupui hmanga Essay inziahsiakna an buatsaih result chu nimin khan puangin Remna ni lawmna ah Serchhip SP Vanlalnghenga chuan lawmman a sem a. A pumpuiah K. Laldawngliani d/o KB. Lalhmangaiha (Cl-XII, GHSS) chu pakhatna niin Vanlalrem-tluangi d/o Vanlalnghaktluanga (Cl-XII, GHSS) chu pahnihna a ni a. Jenny Malsawmtluangi d/o C. Laldinpuia (Cl-XII, EMRS) chu pathumna niin heng mite hnenah hian lawmman pawisafai leh Citation hlan theuh an ni. He Essay inziahsiakna ah hian zirlai naupang 105 zet an tel a ni.