END leh Maxi Cab thawhhona

Champhai-a Excise & Narcotics Department leh Champhai to Aizawl Maxi Cab Service Owners' Welfare (CAMS) te chuan ruihhlo leh a kaihhnawih do kawnga thawhdunna turin inremna thuthlung chu niminpiah khan an ziak a. Thawhhona thuthlung point 5 ziah kaltlang hian drugs laka mimal, chhungkua, khawtlang leh ram leh hnam a him theih nana thawhho dan turte bakah hemi lam hawi inzirtirna, Awareness Campaign tam thei ang ber nei tura thawhho dan turte leh pawimawh dangte a tel a. He thawhdunna thuthlung hian ziah a nih ni atanga kum khat chhung a huam dawn a ni.