Kumin ah khua kheng rei

Science & Technology-a Mizoram State Meteorological Centre chhinchhiah danin kumin ah khua a kheng rei hle a, hei vang hian ruahtui tla zatin nikum a phak lohna a sang a, nikum aiin khua a lum hle bawk. Thudawn danin nikum January - June chhung khan Aizawl-ah ruahtui mm 850.7 a tla a, hetihlai hian kumin January - June (June 15 thleng in) mm 491.6 chauh a la tla a. Nikum January - May chhunga ruahtui tla zat chu mm 491.6 a nih laiin kumin a tla zat erawh mm 278.9 chauh a tling bawk a. Nikum a ruahtui tla zawng zawng zat chu mm 2,015.1 a ni. Hetihlai hian nikuma khaw lum ber ni, April 28 leh 29-a khaw lum lam chu 32°C ve ve a tling a, kumin khaw lum ber ni April 16,18 leh 19-ah te 33°C lai a tling bawk. Kumin hian April atanga Vawiin thlengin Minimum temperature a sang rual a, chawhrualin 20°C chunglam vek a tling a ni.