Thla 15-ah kangmei vanga thi mi 15 an awm

Mizoram-ah tunhnai thla 15 chhungin kangmei vanga nunna chân mi 15 an awm a, bungrua kangchhia Rs. 24,92,56,113 hu awm bawkin kum 2022 chu tunhnai kum 12 chhunga kangmei vanga thi tam ber kum a ni.

    Fire & Emergency Services Department (F&ES) hotute sawi danin nikum (2022) chhung khan Mizoram-ah kangmeichhuak vawi 128 chhinchhiah a ni a, In kang 34 awmin, ram kang tum 44 leh kangmei chhuak dang 50 lai a awm bawk. Nikum chhunga kangmei chhuak atanga bungraw kangchhia hlut zawng chu Rs. 23,69,08,000 niin, kangmei vanga nunna chan mi 15 an awm. F&ES chhinchhiah danin kum 2013 atanga kumin 2023 chhungin kangmei vanga nunna chân mi 46 an awm a, hemi hun chhunga kangmei vanga nunna chân tam ber kum chu kum liamta kha a ni. Kumin (March thleng)-ah kangmei chhuak 127 chhinchhiah ni tawhin, In kang panga, ram kang 97 leh kangmei chhuak dang 25 a awm bawk a. Kumin chhunga kangmei chhuak vanga bungraw kang chhe hlut zawng chu Rs. 1,23,48,113 a ni.