Taxation Department in Chhiah nuai 500 chuang hmu

Serchhip-a Taxation Department chuan sawrkar kum kalta 2022-2023 chhung khan Chhiah chi hrang hrang Rs. 501,84,161/- zet an hmu.

Taxation Department Serchhip Zone-a thawktute hnen atanga LENKAWL in thu a dawn danin Chhiah an khawn zinga an hmuhna tam ber hi Goods & Services Tax (GST) a ni a, GST hnuaia Chhiah an hmuh tam ber hi an hnuaia GST Registration ti ten Monthly Tax Return atanga an pek a ni a. Sawrkar kum liamta, April 1, 2022 atanga March 31, 2023 chhung khan Goods & Services Tax (GST) hnuaiah hian Chhiah Rs. 358,49,738/- an hmu a ni.

Hei bakah hian kum kalta chhung khan Professions Tax atangin Rs. 81,48,700/- hmuh a ni bawk a, hei hi sumdawngte leh sawrkar hnathawk ten kum khat atan an pek thin a ni a. Value Added Tax (VAT) atangin nikum chhung vek khan Rs. 61,85,723/- hmuh a ni bawk a. Hei hi Sipai ten Liquor/Zu atanga Chhiah an pek leh Mizoram pawn atanga tuialhthei la ten an pek a ni tlangpui bawk a ni.